سینٹ کے چیئرمین صادق سنجرانی نے کہا ہے کہ پاکستان اور چین کے تعلقات نئے مرحلے میں داخل ہوگئے ہیں اور آنے والے دنوں میں مزید مستحکم ہوں گے۔انہوں نے یہ بات آج اسلام آباد میں چین کی نیشنل پیپلز کانگریس کی قائمہ کمیٹی کے نائب چیئرمینZhang Chunxian سے گفتگو کرتے ہوئے کہی۔صادق سنجرانی نے کہاکہ خطے کی ترقی اور خوشحالی کے بارے میں پاکستان اور چین کے ایک جیسے خیالات سے ظاہر ہوتا ہے کہ دونوں ملک پاکستان میں اقتصادی ترقی کے خواہشمندہیں۔