ریلوے کی وزیر شیخ رشید احمد نے کہا ہے کہ ایک شخص میں کوروناوائرس کی تشخیص کے بعد مغل پورہ ریلوے ورکشاپ کو اس ماہ کی بارہ تاریخ تک بند کردیا گیا ہے۔

بدھ کے روز اسلام آباد میں ایک نیوز کانفرنس سے خطاب کرتے ہوئے انہوں نے کہا کہ کیرج اور رسالپور فیکٹریوں میں کام کرنے والے پچاس سال سے زائد عمر کے محنت کش بھی رخصت لے سکتے ہیں۔

ریلوے کے وزیر نے یقین دلایاہے کہ کوروناوائرس کی وبا کے باعث نقصانات کے باوجود ریلوے ملازمین کو تنخواہیں اور پنشن بروقت اداکی جائیں گی۔

وفاقی وزیر نے کہا کہ کورونا وائرس کی وبا کے تناظر میں بندش کے باعث ریلوے کو ایک ہفتے میں ایک ارب روپے کے نقصان کا سامنا ہے۔

انہوں نے کہا کہ ریلوے مال بردار گاڑیاں چلا رہا ہے۔