جمعرات کے روز ضلع ٹھٹھہ میں میرپور سکرو کے قریب سمندر میں کشتی الٹنے سے کم سے کم سترہ زائرین جاں بحق ہوگئے ۔ پولیس کے مطابق خواتین اور بچوں سمیت پچاس سے زائد زائرین ایک مزار پرمیلے میں شرکت کیلئے جارہے تھے ۔ٹھٹھہ کے ڈپٹی کمشنر کے مطابق اب تک تیرہ لاشیں نکالی جاچکی ہیں اور لاپتہ افراد کی تلاش کیلئے امدادی کارروائی جاری ہے ۔زخمیوں کو تعلقہ ہسپتال میرپور سکرو منتقل کردیاگیا ہے ۔سندھ کے وزیراعلی سید مراد علی شاہ نے قیمتی جانوں کے نقصان پر گہرے دکھ اور افسوس کا اظہار کرتے ہوئے ٹھٹھہ کے ڈپٹی کمشنر کو ہدایت کی کہ وہ لوگوں کو بچانے کیلئے تمام ممکنہ کوششیں کریں۔
X
