بھارت نے مقبوضہ کشمیر میں عوام کے تمام بنیادی حقوق اور آزادی سلب کرنے کے بعد علاقے میں محرم الحرام کے جلوسوں پربھی پابندی لگا دی ہے ۔پانچ اگست کو مقبوضہ کشمیر کی خصوصی حیثیت منسوخ کئے جانے کے بعد بھارتی حکام نے سری نگر کی تاریخی جامعہ مسجد میں نماز جمعہ کی ادائیگی کی اجازت بھی نہیں دی ۔ادھر مقبوضہ وادی میں آج مسلسل 34 ویں روز بھی سخت فوجی محاصرہ برقرارہے ۔تمام دکانیں اور تعلیمی ادارے بند ہیں جبکہ سڑکوں پر گاڑیوں کی آمدورفت معطل ہے ۔زیادہ تر علاقوں میں انٹرنیٹ، موبائل ، لینڈلائنز سروس اور ٹیلی ویژن چینلوں کی نشریات بند ہیں۔مریضوں کیلئے ادویات دستیاب نہیں جبکہ ڈاکٹروں کو ہسپتالوں تک پہنچنے میں شدید مشکلات کا سامنا ہے۔