پاکستان تحریک انصاف سے تعلق رکھنے والے ارکان سندھ اسمبلی کےایک وفد نے صوبائی اسمبلی میں قائد حزب اختلاف فردوس شمیم نقوی کی قیادت میں آج اسلام آباد میں وزیر خارجہ شاہ محمود قریشی سے ملاقات کی۔
ملاقات میں سندھ کے انتظامی اور سیاسی امور زیر بحث آئے۔
وزیرخارجہ نے مشکل صورتحال کے باوجود سندھ اسمبلی میں حزب اختلاف کا موثر کردار ادا کرنے پر وفد کے ارکان کی تعریف کی۔
فردو س شمیم نقوی نے کشمیریوں کے ساتھ یکجہتی کے اظہار کےلئےیوم استحصال بہتر انداز میں منانے اور کامیاب خارجہ پالیسی کے ذریعے نریندر مودی کا اصل چہرہ بے نقاب کرنے پر وزیر خارجہ کو مبارکباد دی۔