وزیر ریلوے شیخ رشید احمد نے کہا ہے کہ قومی اقتصادی کونسل کی انتظامی کمیٹی نے مین لائن ون منصوبے کی منظوری دے دی ہے او ر اسے تیز رفتاری سے مکمل کیا جائے گا۔

 آج اسلام آباد میں ذرائع ابلاغ کوبریفنگ دیتے ہوئے انہوں نے کہا کہ منصوبے سے لوگوں کو ایک لاکھ سے زائد نوکریاں ملیں گی، انہوں نے کہا کہ اس منصوبے سےسفر کا دورانیہ بھی کم ہوگا، یہ منصوبہ چھ ارب اسی کروڑ ڈالر سے زائد کی لاگت سے مکمل ہوگا

 وزیر ریلوے نے کہا کہ ایم ایل ون منصوبہ ان کی زندگی کا مشن ہے، انہوں نے کہا کہ یہ منصوبہ ٹرینوں کی تعداد میں اضافے  میں بھی معاون ثابت ہوگا۔

 انہوں نے کہا کہ نالہ لئی منصوبے پر کام بھی جلد شروع ہوگا۔