وزیر اعظم شہباز شریف نے کہا ہے کہ حکومت نے کھیلوں کو اپنے ترقیاتی ایجنڈے کا محور بنایا ہے کیونکہ کھیل قومی ترقی، نوجوانوں کو بااختیار بنانے اور عالمی سطح پر پاکستان کاتشخص اجاگر کرنے کا ایک مؤثر ذریعہ

ہیں۔انہوں نے آج ترقی اور امن کے لیے کھیلوں کے عالمی دن کے موقع پر اپنے پیغام میں کہاکہ پا کستان کھیلوں کی قومی پالیسی کے تحت بنیادی سطح پر شمولیت باصلاحیت کھلاڑیوں کی تلاش اور صنفی مساوات اوراجتماعیت کو

فروغ دینے پر توجہ دے رہا ہے۔

انہوں نے کہا کہ ارشد ندیم ہائی پرفارمنس اکیڈمی جیسے اقدامات سے نوجوان کھلاڑیوں کو سائنسی تربیت، مالی معاونت اور جدید سہولیات کی فراہمی کے ذریعے مستقبل کے چیلنجز کے لیے تیار کیا جا رہا ہے۔