آزادکشمیر کے صدر سردار مسعود خان نے یورپی ملکوں میں مقیم پاکستانی و کشمیری برادری پر زور دیا ہے کہ وہ مقبوضہ کشمیر میں نہتے کشمیریوں کی آواز اٹھانے میں اپنا موثر کردار ادا کریں۔
اٹلی میں پاکستانی کشمیری برادری کے زیراہتمام مختلف پروگراموں سے خطاب کرتے ہوئے انہوں نے بھارتی قابض افواج کی طرف سے شوپیاں میں حالیہ قتل اور محاصرے کی شدید مذمت کی۔
مسعود خان نے کہاکہ بھارت نے تنازعات کے حوالے سے انسانی حقوق کے عالمی قوانین کی خلاف ورزی کی ہے اور اقوام متحدہ کی سلامتی کونسل، بین الاقوامی، ریڈ کراس کمیٹی اور انسانی حقوق کونسل کو اس سے جواب طلب کرنا چاہیے۔
آزاد کشمیر کے صدر نے پاکستانی و کشمیری برادری کے ارکان پر زور دیا کہ وہ مقبوضہ کشمیر میں انسانی حقوق کی صورتحال کے حوالے سے اپنے مقامی نمائندوں اوراطالوی پارلیمنٹ کو خطوط لکھیں۔