اسلام آباد میں انفارمیشن سروسز اکیڈیمی کے زیر تربیت افسران کے 35 ویں خصوصی تربیتی پروگرام کی پاسنگ آوٹ تقریب سے خطاب کرتے ہوئے وزیر اطلاعات فواد چودھری نے کہا کہ سرکاری ذرائع ابلاغ میں ڈیجیٹل ٹیکنالوجی کے استعمال کو مزید بہتر بنایا جائے گا۔
وفاقی وزیر نے کہا کہ وزارت اطلاعات کے ماتحت کام کرنے والی اکیڈیمیوں کو بھی ضم کیا جارہا ہے۔فواد چودھری نے کہا کہ وزارت اطلاعات ریاست کے مفادات کا تحفظ کرے گی۔انہوں نے کہاکہ دور جدید میں معیشت ، امور داخلہ اور اطلاعات کے شعبوں کو ملکر کام کرنے کی ضرورت ہے ۔
انہوں نے کہاکہ ہمارا سب سے ضروری کام ریاستی بیانیہ تیارکرنا اور جرائم کی خبروں کی تشہیر سے گریز کرتے ہوئے ملک کا مثبت تشخص اجاگرکرنا ہے۔
اس موقع پر خطاب کرتے ہوئے سیکرٹری اطلاعات ونشریات شفقت جلیل نے اطلاعات کے شعبے میں جدید رجحانات اختیارکرنے کی ضرورت پر زوردیا ۔انہوں نے امیدظاہر کی کہ نوجوان افسران اپنی عملی زندگی میں اس جذبے پرعمل پیرا ہوں گے جو دوران تربیت ان میں پیدا ہوا ہے ۔