پاکستان مذاکراتی ٹیم کی تشکیل کے بارے میں افغان قیادت کے حالیہ اعلان کا خیرمقدم کرتا ہے جس سے افغان دھڑوں کے درمیان مذاکراتی عمل کے آغاز کی راہ ہموار ہو گی۔دفتر خارجہ کی ترجمان عائشہ فاروقی نے ایک بیان میں کہا کہ پاکستان اسے ایک انتہائی اہم اقدام سمجھتاہے جوافغان قیادت کی طرف سے افغانستان میں امن اور مصالحت کو ترجیح دینے کے عزم کا اظہار ہے۔انہوں نے کہاکہ امریکہ طالبان امن معاہدے نے افغانستان میں پائیدارامن واستحکام کے قیام کاایک تاریخی موقع فراہم کیا ہے جس سے اختلافات کے خاتمے، الزام تراشی سے گریز اورملک کے بہترین مفادمیں متحدہوکرتعمیری کام کرنے کے مقاصدحاصل کئے جاسکتے ہیں۔
(این این آر /نصیرقریشی )