مقبوضہ کشمیر میں آج بھارتی فوج نے اپنی ریاستی دہشت گردی کی تازہ کارروائیوں میں دو نوجوانوں کو شہید کردیا۔
کشمیر میڈیا سروس کے مطابق ایک نوجوان کو ضلع راجوڑی کے علاقے کیری کے قریب ایک جعلی مقابلے میں شہید کیاگیا۔
دوسرے نوجوان کو آج صبح سویرے سوپور کے علاقے ماڈل ٹاون میں محاصرے اور تلاشی کی کارروائی کے دوران شہید کیا گیا۔
اس سے پہلے اسی علاقے میں ایک حملے میں انڈین سینٹرل ریزرو پولیس فورس کے دو اہلکار ہلاک اور دو شدید زخمی ہوگئے تھے۔