برطانیہ نے شمالی کوریا کے حالیہ میزائل تجربہ پرتشویش کااظہارکرتے ہوئے اسے اقوام متحدہ کی سلامتی کونسل کی قراردادوں کی خلاف ورزی قراردیاہے۔ایک بیان میں خارجہ اوردولت مشترکہ آفس کے ترجمان نے کہاکہ برطانیہ کو شمالی کوریا کی جانب سے کم فاصلے پر مارکرنے والے ایک اوربیلسٹک میزائل کے تجربہ پر گہری تشویش ہے۔ترجمان نے کہاکہ شمالی کوریا کامیزائل ا ورایٹمی پروگرام علاقائی اورعالمی امن کے لئے خطرہ ہے اور جب تک وہ اس کے خاتمے کے لئے ٹھوس اقدامات نہیں کرتا اس وقت تک شمالی کوریا کے خلاف عائدپابندیاں برقرار رہنی چاہئیں۔