وزیراعظم کی سٹریٹجک اصلاحات کے سربراہ سلمان صوفی نے کہا ہے کہ حکومت لوگوں کی سہولت کیلئے وزیراعظم کے وژن کی روشنی میں ڈیجیٹل معیشت کیلئے فریقین کے ساتھ کام کر رہی ہے۔
انہوں نے آج اسلام آباد میں سب سے پہلے صارفین کے عنوان سے آن لائن کنزیومرز کانفرنس 2022ء میں مہمان خصوصی کے طور پر شرکت کرتے ہوئے کہا کہ یہ کانفرنس خاص طور پر عوام کو درپیش مسائل کے بارے میں صارفین کو اپنی آراء پیش کرنے کا موقع فراہم کرتی ہے۔انہوں نے کہا کہCitizen Data Privacy Lawکو بھی مستقبل قریب میں نافذ کیا جائے گا جس سے شہریوں اور تاجروں کے ڈیٹا کے تحفظ کو یقینی بنایا جائے گا۔چیئرمین پی ٹی اے میجر جنرل ریٹائرڈعامر عظیم باجوہ نے کانفرنس سے خطاب کرتے ہوئے کہا کہ پی ٹی اے ٹیلی کام صارفین کی ضرورت سے آگاہ ہے اور ان کے مسائل کو حل کرنے کیلئے ہر ممکن اقدامات کر رہی ہے۔