کرغزستان نے تاجکستان کے ساتھ خونریز سرحدی تنازع کے حل کے لئے بات چیت پر رضامندی ظاہر کی ہے اور کہا ہے کہ اس کی افواج کسی علاقے سے دستبردار نہیں ہوں گی۔کرغزستان کے صدر SADYR-JAPAROV نے اقوام متحدہ کی جنرل اسمبلی میں خطاب کرتے ہوئے کہا کہ سرحدی علاقوں سے کرغزستان کے تقریباً ایک لاکھ چالیس ہزار شہریوں کا انخلاء ہوا ہے اور انہیں امداد فراہم کی جا رہی ہے۔انہوں نے کہا کہ کرغزستان عوام کی خاطر اس مسئلے کو ہمیشہ کے لئے حل کرنے کی خاطر زیادہ سے زیادہ وقت صرف کرنے پر تیار ہے۔دونوں سابق روسی ریاستوں کے درمیان برسوں سے جاری سرحدی تنازع گزشتہ ہفتے پھر بھڑک اٹھا جس سے وسیع تنازع کے خطرات پیدا ہو گئے۔دونوں حکومتوں کے مطابق جھڑپوں میں کم از کم چورانوے افراد ہلاک ہوئے۔