وزیراعظم شہبازشریف نے ریاض میں سعودی وزیر سرمایہ کاری انجینئر خالد بن عبدالعزیز الفالح اور سعودی عرب کی شاہی عدالت کے مشیر محمد بن MAZYAD AL TUWAIJRI سے ملاقات کی ۔

ملاقات میں دونوں ممالک کے درمیان مختلف معاشی اقدامات پر پیشرفت کاجائزہ لیاگیا ۔

اس ماہ کے اوائل میں سعودی وزیر سرمایہ کاری کے ایک بڑے نجی شعبے کے وفد کے ہمراہ دورہ پاکستان کا ذکرکرتے ہوئے وزیراعظم نے کہاکہ دورے کے دوران ہونے والے کاروباری مفاہمت کی یادداشتوں کے معاہدوں پر ٹھوس عملدرآمد کا سلسلہ شروع ہوچکا ہے ۔

وزیراعظم نے پاکستان کے ساتھ مضبوط اقتصادی تعاون کیلئے کوشش اور عزم پرسعودی وزیر خالد الفالح کا شکریہ اداکیا ۔