اقتصادی رابطہ کمیٹی نے تین ہوائی اڈوں کو نجی شعبے کے حوالے کرنے کے لئے عالمی مالیاتی کارپوریشن کے ساتھ معاہدے کے مسودے کی منظوری دی ہے۔وزیر خزانہ اسحق ڈار نے اجلاس کی صدارت کی۔اجلاس کو بتایا گیا کہ یہ فیصلہ نجی اور سرکاری شعبے کی شراکت داری کے ایکٹ 2017ء کے تحت کیا گیا ہے تاکہ ہوائی اڈوں کو چلانے کے لئے نجی سرمایہ کاروں کو مسابقتی اور شفاف عمل کے ذریعے شامل کیا جائے اور تجارتی سرگرمیوں کے امکانات بڑھا کر ان سے بھرپور استفادہ کیا جا سکے۔عالمی مالیاتی کارپوریشن ورلڈبینک گروپ کا حصہ ہے جسے ٹرانسیکشن ایڈوائزر کے طور پر اہل قرار دیا گیا ہے۔
