پاکستان نے پلاسٹک کی آلودگی کے چیلنجز سے نمٹنے کے لئے لونگ انڈس اقدام کے پورے لائحہ عمل کے تحت دریائے سندھ کے کنارے پر آباد شہروں سے پلاسٹک کی باقیات کا مکمل طور پر صفایا کرنے کے منصوبے پر عملدرآمد کی منصوبہ بندی کی ہے۔

 اقوام متحدہ میں پاکستان کے مستقل مندوب منیر اکرم نے نیویارک میں ایک تقریب سے خطاب کرتے ہوئے کہا کہ ان شہروں میں کراچی، لاہور، فیصل آباد، راولپنڈی، حیدر آباد، ملتان، اسلام آباد، پشاور اور کوئٹہ شامل ہیں۔

 سفیر منیر اکرم نے کہا کہ پاکستان نے ہنگامی طور پر باقیات سے نمٹنے کے چیلنج پر عملدرآمد کےلئے اس حوالے سے 2022 میں قومی پالیسی تشکیل دی تھی۔