قومی ورثے کے نگران وزیر سید جمال شاہ نے کہا ہے کہ ثقافت کسی بھی ملک کی شناخت ہوتی ہے اوراس خطے کی ثقافتی تاریخ نوہزار سال سے زائد عرصہ قدیم ہے ۔
انہوں نے پیر کے روزاسلام آباد میں ایک تقریب سے خطاب کرتے ہوئے کہاکہ تخلیقی صلاحیتوں کے حامل لوگ اپنی بنیاد اور ثقافت سے جڑے ہوئے کسی خوف کے بغیر اپنی منزل کی جانب بڑھتے ہیں۔
سید جمال شاہ نے کہاکہ بصیرت افروز صوفی شعرا اور فلسفیوں نے اس خطے میں امن اورمحبت کا عالمگیر پیغام عام کیا ۔
