قیمتوں کی نگرانی کی قومی کمیٹی کا آج اسلام آباد میں اجلاس ہوا جس میں اشیائے ضروریہ کی قیمتوں کا جائزہ لیا گیا اور متعلقہ محکموں کو کھانے پینے کی اشیاء کی قیمتیں برقرار رکھنے اور عام آدمی کو ریلیف فراہم کرنے کی ہدایت کی گئی۔

منصوبہ بندی اور ترقی کے نگران وزیر محمد سمیع سعید نے اجلاس کی صدارت کی۔

وفاقی وزیر نے ذخیرہ اندوزوں اور منافع خوروں سے کسی قسم کی رعایت نہ برتنے پر زور دیا اور صوبائی حکومتوں پر زور دیا کہ وہ اپنے متعلقہ کمشنروں، ڈپٹی کمشنروں اور مجسٹریٹس کو ذخیرہ اندوزی میں ملوث عناصر کے خلاف کارروائی کیلئے استعمال کریں؛

افسران نے قیمتوں اور افراط زر کے اعدادوشمار پیش کئے جبکہ پنجاب، خیبرپختونخوا، سندھ اور بلوچستان کے نمائندوں نے کمیٹی کو گندم، چینی اور دیگر اشیائے ضروریہ کی پیداوار اور رسد کے بارے میں بتایا جو اطمینان بخش ہے۔