انفارمیشن ٹیکنالوجی کی وزیر شزا فاطمہ نے روایتی صنعتوں پر زور دیا ہے کہ وہ خودکار نظام کو اپنائیں، کیونکہ یہ معاشی اور صنعتی ترقی کیلئے ناگزیر ہے۔

انہوں نے آج اسلام آباد میں روبوٹکس اینڈ Autonomous سسٹمز ایکسپو سے خطاب کرتے ہوئے کہا کہ صنعتی کارکردگی بہتر بنانے، پیداوار میں اضافے اور پاکستانی صنعتوں کو عالمی سطح پر زیادہ مسابقتی بنانے کے لیے روبوٹکس اور جدید ٹیکنالوجی کو اختیار کرنا ضروری ہے۔

شزا فاطمہ نے نوجوانوں پر بھی زور دیا کہ وہ نئی ٹیکنالوجیز میں مہارت حاصل کر کے خود کو مستقبل کی ملازمتوں کیلئے تیار کریں اور روزگار کی بدلتی ہوئی ضروریات کے مطابق خود کو ڈھالیں۔