پنجاب کی وزیرِاعلیٰ مریم نواز شریف نے جعلی رسیدیں جاری کرنے والے تاجروں اور ٹیکس چوری میں ملوث افراد کے خلاف سخت کارروائی کی ہدایت کی ہے۔

وہ لاہور میں محصولات کی وصولی سے متعلق اجلاس کی صدارت کر رہی تھیں۔

وزیراعلیٰ نے شادی ہالز، مارکیز اور بڑی فوڈ چینز کی کیمروں کے ذریعے نگرانی اور نقد لین دین کو ڈیجیٹل ادائیگیوں میں بتدریج منتقل کرنے کی منظوری دی۔

مریم نواز نے پنجاب ریونیو اتھارٹی کو بھی ہدایت کی کہ قانون کے نفاذ کو مزید مؤثر بناتے ہوئے عوامی سطح پر ٹیکس آگاہی بڑھائی جائے اور جدید ٹیکنالوجی کو اپنایا جائے۔