چین نے پاک چین تعلقات اورچین پاکستان اقتصادی راہداری کے بارے میں وزیراعظم شہبازشریف کے مثبت بیان کوسراہاہے۔بیجنگ میں معمول کی بریفنگ کے دوران ایک سوال کے جواب میں چین کی وزارت خارجہ کے ترجمان وانگ وین بن نے کہاکہ شہبازشریف کابیان چین اورپاکستان کی سدابہاردوستی اور کثیرجہتی تعاون کے بارے میں پاکستان کے جذبات کی مکمل عکاسی کرتاہے۔اس سے پہلے وزیراعظم شہبازشریف نے اسلام آباد میں میٹروبس منصوبے کی افتتاحی تقریب سے خطاب کرتے ہوئے کہاکہ چین نے پاکستان کی معیشت کے استحکام میں اہم کردارادا کیاہے۔انہوں نے کہاکہ سی پیک پاکستان کی تقدیربدلنے کامنصوبہ ہے جس کے لئے انہوں نے صدر ژی جن پنگ کاشکریہ اداکیا۔
