رواں مالی سال کے پہلے پانچ ماہ کے دوران یورپ کیلئے پاکستان کی برآمدات آٹھ اعشاریہ چھ دو فیصد اضافے کے ساتھ تین اعشاریہ آٹھ ارب ڈالر تک پہنچ گئیں۔

یہ اضافہ خصوصی سرمایہ کاری سہولت کونسل کی کوششوں کی بدولت ممکن ہوا۔ ترقی کرنے والے شعبوں میں ٹیکسٹائل، چمڑہ، ملبوسات، کھیلوں کا سامان اور جراحی کے آلات کے شعبے شامل ہیں۔ اکتوبر دو ہزار تئیس میں یورپی پارلیمنٹ کی طرف سے پاکستان کے جی ایس پی پلس کی حیثیت کو دو ہزار ستائیس تک توسیع دینے کی منظوری دی گئی تھی۔ جی ایس پی سکیم ترقی پذیر ملکوں کو مارکیٹ تک ترجیحی رسائی اور مختلف اشیاء پرٹیکس میں استثنیٰ فراہم کرتی ہے۔