وزیر تجارت جام کمال خان نے صنعت کاروں کو یقین دہانی کرائی ہے کہ مقامی صنعت کے فروغ کے لئے ان کے مفادات کا تحفظ کیا جائے گا اور تحفظات دور کئے جائیں گے۔وہ اسلام آباد میں شوگر ملز ایسوسی ایشن کے نمائندوں کے ایک وفد سے گفتگو کررہے تھے جس میں صنعت کاروں کو درپیش مشکلات کے ممکنہ حل کی تلاش پر توجہ مرکوز کی گئی۔جام کمال نے شوگر ملوں کو درپیش مسائل اور چیلنجوں کو ترجیحی بنیادوں پر حل کرنے کا عزم ظاہر کیا۔وفاقی وزیر نے صنعتی شعبے کی ترقی و خوشحالی کے لئے تعاون جاری رکھنے کی یقین دہانی کرائی۔
