کشمیر اور گلگت بلتستان کے امور کے وفاقی وزیر انجینئر امیر مقام نے ملک میں امن اور استحکام برقرار رکھنے کیلئے قانون نافذ کرنے والے اداروں کے کردار کی تعریف کی ہے۔
شانگلہ کے زخمی پولیس کانسٹیبل محمد سلمان کی لیڈی ریڈنگ ہسپتال پشاور میں عیادت کے موقع پر انہوں نے کہا پولیس اوردیگر قانون نافذ کرنے والے اداروں کی قربانیاں رائیگاں نہیں جائیں گی اور قوم ان کی بہادری اور
جذبے کو سلام پیش کرتی ہے۔
وفاقی وزیر نے انہیں مالی امداد فراہم کی اور جلد صحت یابی کے لئے دعا بھی کی۔
