عالمی مالیاتی ادارے نے گزشتہ چندماہ کے دوران اصلاحات کے عمل کوآگے بڑھانے میں نمایاں پیشرفت اور ٹھوس معاشی پالیسیوں کو جاری رکھنے پرحکومت کوسراہا ہے ۔آئی ایم ایف کے مشن چیف RAMIREZ RIGO کی قیادت میں وفد کے دورہ پاکستان کے اختتام پر جاری کئے گئے ایک بیان کے مطابق دسمبر کے آخر تک تمام کارکردگی شرائط پوری کی گئیں اور ڈھانچہ جاتی اہداف مکمل کیئے گئے ہیں۔بیان میں کہاگیا کہ مشن اور حکومتی عہدیداروں نے پالیسیوں اور اصلاحات پر بات چیت میں نمایاں پیشرفت کی ہے ۔بیان کے مطابق پاکستان میں معاشی سرگرمیوں میں استحکام آیا ہے اور وہ بتدریج بحالی کے راستے پر گامزن ہیں۔آئی ایم ایف مشن چیف نے کہا کہ جاری تجارتی خسارہ کم ہوا ہے جبکہ عالمی زرمبادلہ کے ذخائر توقع سے زیادہ تیزی سے بڑھ رہے ہیں۔