ترکی نے پاکستان میں صنعتی اور زرعی شعبے کی ترقی کیلئے دوٹیکنالوجی پارک کے قیام پرآمادگی ظاہرکی ہے ۔ایک پارک مردان اور ایک کوئٹہ میں قائم کیاجائے گا ۔خیبرپختونخوا حکومت کے ترجمان نے ریڈیوپاکستان کے پشاور کے نمائندے کو بتایا کہ اس حوالے سے حال ہی میں ترکی کی ایک کمپنی نے مفاہمت کی یادداشت پردستخط کئے ہیں۔انہوں نے کہاکہ ٹیکنالوجی پارکوں کے قیام سے غیرفعال صنعتی یونٹوں کی بحالی اورافزائش حیوانات کے شعبے کو فروغ دینے میں مدد ملے گی۔