Monday, 10 August 2020, 04:04:01 am
عالمی ادارہ صحت ایک ارب30کروڑ عادی افرادکوتمباکونوشی سےنجات میں مدد دینےکیلئےپروگرام شروع کررہاہے:ٹیڈروس
July 11, 2020

عالمی ادارہ صحت کورونا وائرس کی عالمی وبا کی جاری صورتحال کے دوران دنیا بھر کے ایک ارب تیس کروڑ تمباکو نوش افرادکوتمباکونوشی سے نجات میں مدد دینے کیلئے ایک پروگرام شروع کر رہا ہے۔
ادارے کے ڈائریکٹر جنرل ٹیڈروس ایڈھانوم گیبریسس نے معمول کی بریفنگ میں بتایا کہ تمباکونوشی ترک کرنے کے اقدام سے تمباکو نوشی چھوڑنے کے خواہشمند افراد کو وسائل تک آزادانہ رسائی میں مدد ملے گی۔
ٹی نے کہا کہ تمباکونوشی سے سالانہ 80 لاکھ افراد ہلاک ہو جاتے ہیں اور شواہد بتاتے ہیں کہ تمباکونوشی کرنے والے افراد کے شدید نوعیت کے کورونا وائرس میں مبتلا ہونے کا زیادہ خطرہ ہوتا ہے۔
انہوں نے کہا کہ عالمی ادارہ صحت اس اقدام کا اجراء سب سے پہلے اردن سے شروع کرے گا اور بعد میں آنے والے مہینوںمیں اس کا دائرہ پوری دنیا تک بڑھائے گا۔