صدر آصف علی زرداری اور وزیرِ اعظم محمد شہباز شریف نے ڈیرہ اسماعیل خان کے علاقے کولاچی میں فتنہ الخوارج کے خلاف کامیاب آپریشن پر سکیورٹی فورسز کے افسران و اہلکاروں کو خراج تحسین پیش کیا ہے۔

دونوں رہنماؤں نے الگ الگ بیانات میں کامیاب آپریشن کے دوران دو خارجیوں کو جہنم واصل کرنے اور ایک کو گرفتار کرنے پر سکیورٹی فورسز کے افسران و جوانوں کی تعریف کی ہے۔

صدر اور وزیراعظم نے دہشتگردی کی عفریت کے ملک سے مکمل خاتمے تک اس کے خلاف جنگ جاری رکھنے کے عزم کا اظہار کیا ہے۔

صدر مملکت اور وزیراعظم نے کہا ہے کہ سکیورٹی فورسز کے قابل فخر افسران و اہلکار شب و روز ارض وطن کو دشمن عناصر سے پاک کرنے کیلئے مصروف عمل ہیں، پوری قوم دھشتگردی کی اس جنگ میں سکیورٹی فورسز کے شانہ بشانہ کھڑی ہے.