صدر آصف علی زرداری اور وزیراعظم شہبازشریف نے پنجگور میں پولیس موبائل وین پر فائرنگ کی پرزور مذمت کی ہے جس میں ایک سب انسپکٹر شکیل احمد شہید ہوگئے۔
اپنے پیغام میں صدر نے شہید کی مغفرت اور اہلخانہ کیلئے اس صدمے کو برداشت کرنے کیلئے صبر کی دعا کی۔
انہوں نے فرائض منصبی کی انجام دہی میں مرحوم سب انسپکٹر کی قربانی اور فرض شناسی کو خراج عقیدت پیش کیا۔
وزیراعظم شہبازشریف نے اپنے پیغام میں واقعے پر گہرے افسوس کا اظہار کرتے ہوئے شہید کے درجات کی بلندی اور ورثاء کیلئے صبر کی دعا کی۔
وزیراعظم نے کہا پوری قوم دہشتگردی کے خلاف جنگ میں جان کا نذرانہ پیش کرنے والے شہید کو خراج عقیدت پیش کرتی ہے۔
شہبازشریف نے کہا ملک سے دہشتگردوں کے مکمل خاتمے تک یہ جنگ جاری رہیگی۔
