صدرآصف علی زرداری نے کہا ہے کہ سانحہ نو مئی ہمیشہ پاکستان کی تاریخ میں سیاہ دن کے طور پر یاد رکھا جائے گا۔جب ایک مشتعل سیاسی گروہ نے ملک بھر میں کہرام مچاکر سرکاری املاک اور فوجی تنصیبات کو نقصان پہنچایا۔

ایک بیان میں تشدد کی مذمت کرتے ہوئے انہوں نے کہا کہ ان افسوسناک واقعات سے ملک کا تشخص شدید مجروح ہوا جس سے صرف پاکستان کے دشمنوں کے مفادات پورے ہوئے۔

انہوں نے گروہ کے حملوں کو ریاست کی عملداری کو چیلنج کرنے کی کوشش قرار دیا۔

صدر نے پاکستان کی مسلح افواج اور اس کے اداروں پر فخر کا اظہار کیا۔

انہوں نے زور دے کر کہا کہ سانحہ 9مئی کے تشدد میں ملوث عناصر کے خلاف قانون کے مطابق کاررروائی ہونی چاہئے۔