وزیراعظم محمد شہباز شریف نے متحدہ عرب امارات کے صدر شیخ محمد بن زید النہیان سے ٹیلی فون پر گفتگو کی۔وزیراعظم نے متحدہ عرب امارات کے صدر سے اُن کے قریبی عزیزشیخ طہنون بن محمد النہیان کی وفات پر تعزیت کی اور اللہ تعالیٰ سے شاہی خاندان کے لئے صبر جمیل کی دعا کی۔متحدہ عرب امارات کے صدر نے ٹیلی فون کرنے پر وزیراعظم کا شکریہ ادا کیا۔وزیراعظم نے کہا کہ پاکستانی عوام متحدہ عرب امارات کے شاہی خاندان کے لئے انتہائی عزت و احترام رکھتے ہیں۔انہوں نے خاص طور پر مرحوم شیخ زیدبن سلطان النہیان کی قیادت کو سراہا جو پاکستان کے عظیم دوست تھے۔دونوں رہنمائوں نے دونوں برادر ملکوں کے درمیان تعلقات کے فروغ کے عزم کا اعادہ کیا۔