پنجاب کے وزیراعلی سردارعثمان بزدار نے کہا ہے کہ تھلیسمیا کے مرض میں مبتلا بچے معاشرے کی خصوصی توجہ کے مستحق ہیں۔آج تھلیسمیا کے عالمی دن کے موقع پر اپنے پیغام میں انہوں نے کہاکہ یہ دن منانے کا مقصد اس مرض سے متعلق آگاہی پیدا کرنا ہے ۔وزیراعلی نے کہاکہ تھلیسمیا کے مریضوں کو علاج معالجے کی معیاری سہولتوں کی فراہمی اولین ترجیح ہے اور اس ضمن میں مختلف اقدامات کئے گئے ہیں ۔انہوں نے کہاکہ ملک میں ایک صحت مند معاشرے کے فروغ کے ہمارے عزم کا اعادہ وقت کا تقاضا ہے ۔