پاکستان اور کویت نے تمام شعبوں خصوصاً معیشت کے شعبے میں دو طرفہ تعاون کے فروغ پر اتفاق کیا ہے۔
یہ اتفاق رائے آج (ہفتہ)گیمبیا کے شہر بنجول میں اسلامی تعاون تنظیم کے پندرہویں سربراہی اجلاس کے موقع پر نائب وزیراعظم اور وزیر خارجہ محمد اسحاق ڈار اور کویتی وزیر خارجہ سلیم عبداللہ الجابر الصباح میں ملاقات میں کیا گیا۔
اسحاق ڈار نے کہا پاکستان کویت کے ساتھ برادرانہ تعلقات کو دو طرفہ مفاد میں معاشی اشتراک میں بدلنے کا خواہش مند ہے۔
دونوں رہنماؤں نے فلسطینی عوام کے ساتھ ہمدردی کا اظہار کرتے ہوئے اقوام متحدہ کی سیکورٹی کونسل سے غزہ میں فوری جنگ بندی کا مطالبہ کیا۔
