فائل فوٹو
ریونیوکے وزیرمملکت حماداظہر نے کہاہے کہ حکومت ٹیکس کے دائرے میں توسیع لانے کے لئے ٹیکس کے نظام میں تبدیلی لانے پرکام کررہی ہے۔
نجی نیوزچینل سے گفتگو کرتے ہوئے انہوں نے کہاکہ موجودہ حکومت کاروباردوست اصلاحات لانے کے لئے بھی کام کررہی ہے تاکہ رواں مالی سال کے لئے محصولات کاہدف حاصل کیاجاسکے۔
انہوں نے کہاکہ تحریک انصاف کی حکومت نے ٹیکس چوروں اور نادہندگان کے خلاف بھرپور مہم شروع کی ہے۔
ایک سوال پر انہوں نے فیڈرل بورڈآف ریونیو میں بہتری لانے کی ضرورت پرزوردیا تاکہ اس کی کارکردگی مزید بہتر بنائی جاسکے۔
ایک اور سوال کے جواب میں وزیرمملکت نے کہاکہ وزیراعظم کوانٹرنل آڈٹ بلز کو فیڈرل بورڈ آف ریونیو سے الگ رکھنے سے متعلق تجویز پیش کی جائے گی۔