وفاقی وزیرخزانہ محمد اورنگزیب نے یقین ظاہر کیا ہے کہ مہنگائی میں کمی ملک کو استحکام سے ترقی کی راہ پر گامزن کرنے میں معاون ثابت ہو گی۔
اسلام آباد میں پاکستان اکانومی ڈیش بورڈ کی افتتاح تقریب سے خطاب کرتے ہوئے انہوں نے کہا کہ توقعات سے بڑھ کر مہنگائی میں کمی ہوئی ہے،اُمید ہے کہ یہ ملک کی معیشت کو سہارا دے گی۔
وزیر خزانہ نے پائیدار اقتصادی استحکام کے لیے ادارہ جاتی اصلاحات کی ضرورت پر بھی زور دیا۔
اقتصادی ڈیش بورڈ کے حوالے سے وزیر خزانہ کا کہنا تھا کہ یہ شفافیت اور حقیقت پر مبنی نقطۂ نظرکو بھی فروغ دے گا۔
اُنہوں نے یقین ظاہر کیا کہ اس سے اقتصادی منظرنامہ اور شراکت داروں کے ساتھ گفتگو کا معیار بہتر ہوگا۔
