ضلع بنوں کے علاقے بکہ خیل میں انسداد دہشت گردی کی ایک کارروائی کے دوران شہید ہونے والے پاک فوج کے ایک افسر اور دو جوانوں کو ان کے آبائی علاقوں میں پورے فوجی اعزاز کے ساتھ سپردخاک کردیا گیا۔

فوج کے شعبہ تعلقات عامہ کے مطابق سپردخاک کئے گئے اہلکاروں میں میجر عاطف خلیل شہید،نائیک آزاد اللہ شہید اور لانس نائیک غضنفر عباس شہید شامل ہیں۔

اس سے قبل میجر عاطف خلیل کی نماز جنازہ میں راولپنڈی اور پشاور کے کورکمانڈرز نے شرکت کی جس سے ان کی قربانی کی اہمیت کی عکاسی ہوتی ہے۔

نماز جنازہ میں اعلیٰ فوجی اور سول عہدیداروں،پاک فوج کے جوانوں،شہداء کے اہل خانہ اور مقامی معززین کی بڑی تعداد نے شرکت کی۔