پاکستان میں کاروبارکرنے کے حوالے سے عالمی بنک کی جانب سے شائع کی گئی رپورٹ میں پاکستان کی درجہ بندی میں گیارہ پوائنٹس کی بہتری آئی ہے اور وہ147ویں سے 136ویں نمبرپر آگیاہے۔وزیراعظم کے مشیررزاق دائود نے ایک بیان میں کہاہے کہ2002ء میںDoing بزنس رپورٹ کے اجراء کے بعد سے یہ پہلاموقع ہے کہ ایک سال میں پاکستان کی درجہ بندی میں گیارہ پوائنٹس کی بہتری آئی۔ادھر سرمایہ کاری بورڈ کے چیئرمین ہارون شریف نے اسلام آباد میں صحافیوں سے گفتگو کرتے ہوئے کہاہے کہ یہ بہتری حکومت کی اصلاحاتی مہم پرنجی شعبہ کے اعتماد کی مظہر ہے۔