وزیراعلیٰ پنجاب مریم نواز نے کہا ہے کہ صوبائی حکومت میرٹ اور شفافیت کی بنیاد پر لوگوں کی خدمت پر یقین رکھتی ہے۔
جمعہ کے روز لاہور میں رمضان المبارک کے حوالے سے ایک خصوصی اجلاس کی صدارت کرتے ہوئے انہوں نے متعلقہ حکام کو ہدایت کی کہ وہ رمضان پیکج کے تحت معیاری اشیاء کو نادار اور مستحق لوگوں تک پہنچانے کو یقینی بنائیں۔
انہوں نے ضلعی حکام کو بھی ہدایت کی کہ وہ رمضان کے لئے تیار کردہ پیکج کی نگرانی کریں۔مریم نواز نے اشیائے خوردونوش کے معیار کا جائزہ لینے کے لئے تمام اضلاع کے اچانک دوروں کا بھی اعلان کیا۔
