پاکستان اور سعودی عرب کے تاجروں نے اعتماد ظاہر کیا ہے کہ ریاض میں منعقد ہونیوالے پاکستان سعودی سرمایہ کاری فورم سے سرمایہ کاروں کو دونوں ملکوں میں سرمایہ کاری کے مواقع بروئے کار لانے میں مدد ملے گی۔ فورم کیموقع پر اظہار خیال کرتے ہوئے انہوں نے کہا کہ پاکستان اور سعودی عرب کے درمیان شاندار تعلقات قائم ہیں اور سرمایہ کاری فورم کے انعقاد سے ان تعلقات کو مزید مضبوط بنانے میں مدد ملے گی۔ انہوں نے واضح کیا کہ سعودی ویژن2030 کے تحت مختلف شعبوں میں پاکستانی سرمایہ کاروں کیلئے سرمایہ کاری کے وسیع مواقع ہیں۔انہوں نے پاکستان میں سرمایہ کاروں کی سہولت کیلئے وزیراعظم عمران خان کی طرف سے متعارف کرائی گئی پالیسیوں کو بھی سراہا۔