وزیر خارجہ اسحق ڈار نے یورپی یونین کے ممالک کو پی آئی اے پروازوں کی فوری بحالی کی ضرورت پر زور دیا ہے۔
انہوں نے آج اسلام آباد میں یورپی یونین کے سفیر Raina Kionka سے گفتگو کرتے ہوئے پاکستان اور یورپی یونین کے ممالک کے درمیان براہ راست پروازوں کی اہمیت پر زور دیا۔
انہوں نے پاکستان اور یورپی یونین کے درمیان دوطرفہ تعلقات پر تبادلہ خیال کیا اور پاکستان ای یو ادارہ جاتی میکانزم کی پیش رفت پر اطمینان کا اظہار کیا۔
