آذربائیجان نے پاکستان کے ساتھ مختلف شعبوں خصوصاً مواصلات اور ٹرانسپورٹ میں دوطرفہ تعلقات بڑھانے کی خواہش ظاہر کی ہے۔

اس خواہش کا اظہار پاکستان میں آذربائیجان کے سفیر خضر فرہادوف نے اسلام آباد میں وزیرمواصلات عبدالعلیم خان سے ملاقات کے دوران کیا۔

سفیر نے کہا کہ آذربائیجان کے سرمایہ کار پاکستان میں وسیع پیمانے پر سرمایہ کاری کرنے میں دلچسپی رکھتے ہیں۔

عبدالعلیم خان نے سفیر کو ملک میں توانائی، صحت، انفارمیشن ٹیکنالوجی اور مواصلات کے شعبوں میں سرمایہ کاری کے پُرکشش مواقع سے آگاہ کیا۔