پاکستان نے پاک افغان کوآپریشن فورم کے انتظامات کے تحت افغانستان کو اب تک مجموعی طور پر پندرہ ہزار تین سو نوے ٹن خوراک کی کھیپ بھیجی ہے۔آج اسلام آباد میں جاری ایک پریس ریلیز کے مطابق انسانی امداد سات سو پینتالیس ٹرکوں اور چار سی ون تھرٹی پروازوں سمیت تراسی قافلوں کے ذریعے بھیجی گئی۔قندھار کے سیلاب سے متاثرہ افغانیوں کیلئے کھانے پینے کی سترہ ٹن اشیاء گزشتہ روز چمن سرحد پر افغان حکام کے حوالے کی گئیں۔امدادی اشیاء الخدمت فائونڈیشن کی طرف سے عطیہ کی گئی ہیں۔