فائل فوٹو
منصوبہ بندی اورترقی کے وزیر احسن اقبال نے درآمدی ایندھن کی بجائے توانائی کے مقامی ذرائع پرزیادہ انحصار کرنے کی ضرورت پر زوردیا ہے۔
آج(جمعہ) اسلام آباد میں توانائی کے بارے میں پانچ روزہ ورکشاپ کی اختتامی تقریب سے خطاب کرتے ہوئے انہوں نے کہاکہ یوایس ایڈ نے پاکستان میں توانائی کے شعبے میں سائنسی اور طویل مدتی منصوبہ بندی میں دلچسپی کااظہار کیا ہے۔وفاقی وزیر نے کہاکہ اس سلسلے میں مفاہمت کی ایک یادداشت پر بھی دستخط ہوچکے ہیں۔انہوں نے کہاکہ ہمیں اپنے توانائی کے انتظام کومربوط بنانا ہو گا تاکہ مستقبل میں توانائی کے شعبے میں زیادہ سرمایہ کاری ہوسکے۔