وزیر اعظم شہباز شریف نے یقین ظاہر کیا ہے کہ سعودی عرب کے نائب وزیر سرمایہ کاری کی قیادت میں آنے والا سعودی وفد ملک کے مستقبل کے حق میں بہتر ثابت ہو گا۔
اُنہوں نے آج(منگل) اسلام آباد میں کابینہ کے اجلاس کی صدارت کرتے ہوئے کہا کہ سرمایہ کاری کانفرنس کے دوران سعودی وفد نے کابینہ کے ارکان کے عزم اور استقامت کو سراہا ۔
وزیر اعظم نے پاکستان سعودی عرب سرمایہ کاری کانفرنس کے دوران کابینہ کے ارکان خصوصاً تجارت ، پٹرولیم اور فنانس شعبوں کے حکام اور وفاقی سیکرٹریز کے کردار کی بھی تعریف کی۔
انہوں نے اس اعتماد کا اظہار کیا کہ وہ ملک کے بہتر مستقبل کیلئے اسی عزم کے ساتھ کام جاری رکھیں گے۔