منصوبہ بندی اور ترقی کے وزیر احسن اقبال نے کہا ہے کہ ساتویں مردم شماری پر چونتیس ارب روپے خرچ ہونگے۔
وفاقی وزیر آج (منگل) اسلام آباد میں ساتویں مردم اور خانہ شماری کرنے والے عملے کی تربیت کیلئے ماسٹر ٹریننر کی تربیت کی افتتاحی تقریب میں خطاب کررہے تھے۔وزیر منصوبہ بندی نے کہا کہ تاریخ میں پہلی با ر حکومت ڈیجیٹل مردم شماری کررہی ہے جس کا مقصد غلطیوں کو کم کرنا اور ملک کی حقیقی آبادی کے بارے میں درست اعدادوشمار یقینی بناناہے۔