ریڈیوپاکستان کے ڈائریکٹرجنرل سعیداحمدشیخ نے پی بی سی کے پنشنروں کی گزشتہ پانچ سال کے زیرالتواء کمیوٹیشن کی اگلے ماہ سے ادائیگی کااعلان کیاہے۔
وہ آج (منگل) تیسرے پہر پی بی سی ہیڈکوارٹرزاسلام آبادمیں ریڈیوپاکستان ویلفیئرایسوسی ایشن کی افتتاحی تقریب سے خطاب کررہے تھے۔
ڈائریکٹرجنرل نے امیدظاہر کی کہ زیرالتواء کمیوٹیشن کی ادائیگی جلد کردی جائے گی کیونکہ پی بی سی انتظامیہ مختلف وسائل سے فنڈزکاانتظام کررہی ہے۔
انہوں نے کہاکہ آج ہیلتھ سروسز اکیڈمی کے ساتھ مفاہمت کی ایک یادداشت پر دستخط کئے گئے ۔پی بی سی کے ملازمین اور پنشنرزایک مہینے میں پچاس لاکھ روپے کاعلاج معالجہ کراسکیں گے۔
انہوں نے فنڈزکی دستیابی پرپی بی سی ملازمین اورپنشنروں کے لئے میڈیکل الاؤنس کی یقین دہانی کرائی۔
