نائب وزیراعظم اور وزیر خارجہ اسحاق ڈار نے بنجول میں اسلامی تعاون تنظیم کے پندرھویں سربراہ اجلاس کے موقع پر اپنے ترک ہم منصب HAKAN FIDAN اور آذربائیجان کے وزیر خارجہ JEYHUN BAYRAMOV سے بھی الگ الگ ملاقاتیں کیں۔
ان ملاقاتوں کے دوران انہوں نے معیشت، تجارت، توانائی اور دفاعی شعبوں میں باہمی تعاون کو مزید فروغ دینے پر اتفاق کیا۔
انہوں نے دوطرفہ تعاون کی صورتحال کا جائزہ لیا اور دوستی کو مزید مستحکم کرنے پر زور دیا۔
نائب وزیراعظم اسحق ڈار نے رواں سال نومبر میں باکو شہر میں کاپ انتیس کی میزبانی حاصل کرنے پر آذربائیجان کو مبارک باد دی۔
انہوں نے موسمیاتی تبدیلیوں کے مسئلے کے حل کیلئے تعاون بڑھانے اور تجربات کے تبادلے میں پاکستان کی دلچسپی کا اظہار کیا ۔
انہوں نے بھارت کے غیر قانونی زیر قبضہ جموں وکشمیر کے عوام کے منصفانہ نصب العین پر آذربائیجان کے مضبوط اور اصولی موقف کی تعریف کی۔