وزیر اعلیٰ پنجاب مریم نواز نے کہا ہے کہ صوبائی حکومت امریکی سرمایہ کاروں کو صوبے میں سرمایہ کاری کےلئے محفوظ ماحول فراہم کرے گی۔
وہ پاکستان میں امریکہ کے سفیر ڈونلڈ بلوم سے آج لاہور میں ہونے والی ملاقات کے دوران گفتگو کررہی تھیں۔
وزیر اعلیٰ نے کہا کہ ان کی حکومت، زراعت، صنعت اور آئی ٹی کے شعبوں میں امریکی سرمایہ کاری کی حوصلہ افزائی کرے گی۔
اس موقع پر امریکی سفیر نے پاکستان میں غربت کے خاتمے اور اقتصادی ترقی کے لئے پنجاب حکومت کے ساتھ تعاون بڑھانے کی خواہش کا اظہار کیا۔
انہوں نے مریم نواز کو پنجاب کی پہلی خاتون وزیر اعلیٰ بننے پرمبارکباد پیش کی۔
