غیرقانونی طورپر بھارت کے زیر قبضہ جموں وکشمیر میں کل جماعتی حریت کانفرنس کے سینئر رہنما میر واعظ عمر فاروق نے اس بات پر زور دیا ہے کہ مقامی انتخابات دیرینہ تنازعہ کشمیر کا حل نہیں ہو سکتے جو پاکستان اور بھارت کے درمیان بنیادی تنازعہ ہے۔

میرواعظ عمرفاروق نے جنہوں نے گزشتہ پانچ سال کا بیشتر حصہ سرینگر میں گھر میں نظربندی میں گزاراہے ، امریکی خبر رساں ادارے کو انٹرویو دیتے ہوئے کہا کہ ڈھونگ انتخابات سے اس اہم مسئلے کو حل نہیںکیا جاسکتا جسے بھارتی وزیر اعظم نریندر مودی کی ہندوتوا حکومت نے2019کے بعد دبانے کی کوشش کی ہے۔

میرواعظ عمرفاروق نے زور دیا کہ ان انتخابات کا ہرگز یہ مطلب نہیں کہ اہم مسئلہ کشمیر حل ہو گیا ہے۔ انہوں نے اقوام متحدہ کی سلامتی کونسل کی قراردادوں کے مطابق مسئلے کے جامع حل کی ضرورت کو اجاگر کیا۔